شروط تجنب الحظر من ادسنس المستضاف يوتيوب

السلام عليكم ورحمة الله وبركاتة 

شرحنا كيفية عمل ادسنس مستضاف يوتيوب من الصفر وتجنب الحظر!!

دلوقتي هنشرح اهم القواعد اللي تلتزم بيها علشان تحافظ علي حسابك علي قد متقدر وميتحظرش 

1-بلاش تشوف الفيديو بتاعك كامل وانت فاتح الايمل
2-اوعي وخلي بالك جدا تدوس علي اي اعلان من الجهاز اللي انت بتفتح منو الايمل (تدوس علي الاعلان بمعني ان الادسنس اصلا انت بتكسب منو من الاعلانات اللي بتيجي قبل الفيديو فانت بقي متكونش فاتح الايمل بتاعك وبشوف الفيديو اللي علي قناتك وتلقي اعلان تدوس علية يفتحلك صفحة الاعلان لان انت بيتحسبلك النقرات دي وبتكسب منها وادسنس لو لقي نقراة واحدة من نفس الاي بي هتاخد حظر 30 يوم علي الاقل والضغط علي الاعلان من علي اسكيب اد لا الضغط هو انك تدوس علي اي جزء في الفيديو )
3-حاول علي قد متقدر تكون كل الفيدوهات من تصوريك علشان حقوق الملكية هتنفخك
4-لو انت سرقت فيديو مثلا وعاوز تهرب من حقوق الملكية هتعمل الاتي (هتحذف اول واخر 5 ثواني \ وهتعمل زوم يعني تقرب الفيديو بمعني انك هتقص الاطراف \ تحاول لو في اغنية مثلا تلغيها او تاخد من نصها علشان الصوت علية حقوق ملكية \حط اللوجو بتاع القناة علي الفيديو مرتين علي الاقل في الفيديو علشان تخفي حقوق الملكية علي قد متقدر \لو في لوجو بتاع صاحب الفيديو اصلا او رابط مكتوب علي الفيديو تخفية بصورة او تعمل زوم علي باقي الفيديو كدة يعني \متحاولش تسرق فيديوهات قنوات مشهورة زاي ام بي سي مصر و الحياة ...الخ )
5-اوعي تشتغل حرام بمعني بلاش حوار فيدوهات الرقص وكدة علشان حرام وربنا مش هيكرمك ابدا بالحرام
6-حاول تشتغل علي الحاجات اللي ماشية الايام دي زاي (المواقف والطرائف \الكورة \اغرب الحاجات في العالم وكدة .....الخ )
7-خلي علي قد متقدر القناة بتاعتك متخصصة في مجال معين وبلاش شغل الكوكتيل دة
وكدة احنا وصلنا لنهاية الشرح ودول تقريبا اهم 7 حاجات لازم تعملها لو انت هتشتغل علي اليوتيوب وبالتوفيق للجميع.